030009, Ақтөбе, "Ақжар-2" тұрғындар алабы, 451"а" Mailto: aktobe-sh45@mail.ru aktobe.sh45@gmail.com

Телефон (факс): +7 (7132) 251-601

№ 45 ОРТА МЕКТЕП САЙТЫ ЖҰМЫСЫН ҚАЛАЙ БАҒАЛАР ЕДІҢІЗ?

Ел болудың бірінші тірегі - білім!

   «Заманауи  әлемде елдің қуаты  ең алдымен азаматтарының білімімен өлшенеді» деп ел президенті айтпақшы бүгінгі алған шәкірт білімінің алар орны ерекше. Бұл білімнің негізі бастауышта қаланбақ. Осыған орай  мектептерге өзгеріс енгізуде мұғалім тұлғасы маңызды роль атқарады. Сондықтан да жалпы білім беретін мектептерде білім беру мазмұнын жаңғыртатын өзгерістер қажеттілігі - заман талабы.      

Сабақтарды түрлендіріп өткізудің маңызы

Білім – біріншіден  адамның  рухани  және  практикалық  іс-әрекетінің  нәтижесі, екіншіден  ақиқат  дүниені  танып – білу  құралы. Оқушылардың  жеке  ой - қабілетін  зерттеу – басты  ғылыми  бағыттардың  бірі. Қандай  пән  болмасын  сабақтың  мақсатына  сәйкес  оқушыларға  білім  беруде, ой қабілетін  дамытуда, тәрбиелеуде  олардың  қызығушылығын  үнемі  арттырып  отыруымыз  кажет.

«Гүлдәурен» мектеп жанындағы лингвистикалық лагері ашылды

      Жазғы үлкен үзіліс ұзақ оқу жылынан кейін мектеп оқушыларының денсаулығын бекіту, денесін шынықтыруы, күш жинау үшін беріледі. Бірақ бұл да олардың рухани баю, өз күштерін тексеру және байқап көру, қоршаған ортаны игеру және түсіну уақыты. Балалардың белсенді демалысы әдеттегідей спорт–сауықтыру лагерлерінде, шипажайларда, мектеп жанындағы  жазғы сауықтыру лагерлерінде өтеді.

Жалпы ата-аналар жиналысы

«№ 45 орта мектеп» ММ - де мамыр айында № 2 мектепішілік жалпы ата-аналар жиналысы өткізілді. Ата-аналар толық  жиналғанша  оқушылардың әуелеткен әндерін, ансамбльдің тамылжыған күйін тыңдап, мектептегі оқу жылы барысындағы шаралардың фото және бейнероликтерін тамашалады. Мектеп директорының тәрбие ісі жөніндегі орынбасары Құрманай Базарбайқызы күн тәртібімен таныстырып, жиналыс президиумын бекітті. 2015-2016 оқу жылының қорытындысы туралы алғашқы сөз мектеп директорына беріліп, Абзал Амантайұлы  оқу жылының оқу-тәрбие процесіндегі жұмыс нәтижесі, жетістіктерімен таныстырды. Жоғары деңгейдегі мұғалімдер еңбектерін атап өтті. Оқушылардың жазғы демалысын  және еңбек тәжірибесін, жұмыспен қамтылуын  ұйымдастыру туралы мектеп әлеуметтік педагогі Жанна Букенбаевна ата-аналарға толық таныстырып, өтті. 2015-2016 оқу жылындағы жазғы мектеп жанындағы лагерь ерекшелігі үш тілді, лингвистикалық екенін  жеткізіп, жаднама таратты.

Келешектің киелі ұраны да өздерің, Қыран болып ұшатын келіп қапты кездерің!

25 мамыр  Қазақстанның  барлық  мектептерінде  ерекше  орын  алатын  күн. Бұл  күн - мектеп  тарихында  қалатын  қуанышты күн. Бұл  күні   кеше  ғана  тұлымдары  желбіреп, жүректері  лүпілдеп, мектеп қабырғасын  имене  аттаған  ұл-қыздарымыз  ойы толып, бойы  өсіп, алтын  ұя мектебімен  қоштасқалы отыр.Түлектер өздерінің он бір жыл білім алған  алтын  ұяларымен  қоштасса, ұстаздар өздерінің сүйікті шәкірттерін өмірге қанаттандырады. Барша жас түлектерді алда үлкен  сын  күтіп тұр.  Ол    Ұлттық  Бірыңғай тестілеуден абыроймен өтіп, қалаған  маманының иесі  болу. Мен  өзімнің  ұл-қыздарыма  білім  алу  жолында жалықпай,  талмай  ізденіп, ел  тізгінін  ұстайтын  азамат  болыңдар  деп  тілеймін!

Талаптың мініп тұлпарын...

         Білім - адамның ішінен шығатын емес, сырттан келетін нәрсе. «Оқымай білімді болам» дегендер тормен су алғысы келгенмен тең. Біз қанша білсек, сонша нәрсе қолымыздан келеді. Сондықтан да «Білім - күш». Білім өмірде таяныш, жолдас, қуанышта бастаушы,  күресте құрал. Сондықтан білімді жанына серік етіп, өмірінің бастаушысы етіп келе жатқан мектебімізде бір топ оқушыларымыз бар. Олар сәуір айында болған кіші олимпиаданың қалалық кезеңіне қатынасып, қала мектептерінің оқушыларымен білім бәсекесіне түсті.

Ақтөбе қаласының «Үздік музыка» пәні мұғалімі Байтақов Ерен Мүрсінұлы

2016 жылдың 18  мамыр күні қалалық «Үздік музыка» пәні байқауы өтті. №45 Орта метебіміздің атынан музыка пәнінің мұғалімі Байтақов Ерен Мүрсінұлы  қатысты. Байқау үш бөлімнен тұратын. «Құласан, нардан құла»,- деген ер жігіт сөзін ұстанған Байтақов Ерен еңбек жолында жинаған тәжірибесін, іс-қағаз портфолиясын және ашық сабақ өткізіп өз өнерін паш етіп сүрінбей өтті. Жас болса да, 4 жыл тәжірибесі бар ұстаз екенін қалалық білім бөлімінен келген әділ - қазылар алқасының алдында үздік ұстаз екенін дәлелдеп, қалалық үздік музыка пәнінің мұғалімі бас жүлдесін жеңіп алды. Мектебімізде жүлделі ұстаздар көбейіп  тек биіктен көрінсін. Байтақов Ереннің бағындырар белестері алда, биік шыңдардан көріне берсін!